Министр QYZPU оқытушыларын құрмет грамотасымен марапаттады
-
19 қыркүйек, 2023
![Министр QYZPU оқытушыларын құрмет грамотасымен марапаттады]()
Бибігүл Иманбекова, Анар Калиева, Айсұлу Кенжан, Айгүл Сембаева мен Эльмира Бакирова ғылым және білім саласын дамытуға қосқан үлестері мен өркендеу жолында атқарған адал еңбектері үшін Ғылым және жоғары білім министрі Саясат Нұрбектің құрмет грамотасы мен алғыс хатымен марапатталды. Министрдің атынан құрмет грамоталарын оқытушыларға Басқарма төрағасы – Ректор Гүлмира Қанай табыс етті.
Сондай ақ қабылдау комиссиясының 7 техникалық хатшысы мен 8 кеңесші студент марапатқа ие болды. Қабылдау комиссиясының жұмысын тиімді ұйымдастырғаны үшін оларға ректор өз атына Алғыс хаттар табыстады. Колледж, бакалавр, магистратура, докторантура бойынша биыл 2 926 білім алушы оқуға қабылданды. Электронды кезек беру аппараты арқылы жұмыс жүргізу өзіндік көмегін тигізді.
Қабылдау комиссиясы білім гранты конкурсына құжат қабылдау кезеңінде заң бөлімінің мамандарынан кеңес алып отырды. Қабылдау комиссиясында студенттерден жасақталған 8 кеңесші жұмыс жасап, талапкерлерге құжаттарын реттеуге, толықтыруға, кезекті сақтауға, «Hero Study» жүйесіне мәліметтер енгізуге көмек көрсетті.
Бөлісу:
