"Академиялық жазылым" ғылыми семинары аяқталды
-
05 мамыр, 2023
![]()
Академиялық жазылым және тілдерді оқыту орталығы біздің университеттің профессорлық-оқытушылық құрамы үшін ұйымдастырылған "Академиялық жазылым" ғылыми семинарының сәтті аяқталғанын қуанышпен хабарлайды.
Осы семинар аясында қатысушылар өздерінің ғылыми зерттеулерін әлемдік ғылыми ортада тиімді ұсынуға көмектесетін Академиялық жазылым саласында құнды білім мен дағдыларға ие болды.Сертификаттарды тапсыру рәсімі Басқарма Төрағасы-Ректор Гүлмира Қанай, ғылыми жұмыс және халықаралық ынтымақтастық жөніндегі проректор З.Д. Джумакуловтың және ғылыми семинар бойынша лектордың өзі Е.Т. Оспановтың қатысуымен өтті. Семинарды сәтті игеру туралы куәлікпен біздің қатысушылар осы Академиялық жазылым пәнін тьютор ретінде оқыта алады.
Барлық қатысушылар біздің университеттің басқа оқытушыларымен қарым-қатынас жасауға және тәжірибе алмасуға бірегей мүмкіндік алды. Профессорлық-оқытушылық құрам біздің университеттің негізі болып табылады және біз әрқашан оқытушыларымызға даму және жоғары нәтижелерге қол жеткізу үшін ең жақсы мүмкіндіктер беруге тырысамыз. Бұл рәсім біздің оқытушыларымызды ғылыми жұмыстарын жалғастыруға және жастарымызға білім берудің жаңа тәсілдерін табуға ынталандырады деп үміттенеміз.
Барлық қатысушыларға белсенді қатысқандары үшін Алғыс білдіреміз және әрі қарайғы ғылыми және педагогикалық зерттеулерде табыс тілейміз!
МЕДИА
Бөлісу:
