«MISS COLLEGE-2023» жеңімпазы анықталды
-
14 сәуір, 2023
![«MISS COLLEGE-2023» жеңімпазы анықталды]()
Қазақ ұлттық қыздар педагогикалық университетінің құрамындағы кәсіби білім беру колледжінің ұйымдастыруымен. Ұлттық құндылықтарды қастерлейтін, қыздарға дұрыс бағыт-бағдар сілтеп, жастар арасында ұлттық салт-дәстүрімізді насихаттау, жас буынды патриот етіп тәрбиелеу мақсатында ұйымдастырылған шараға басқарма мүшелері, колледж студенттері мен оқытушы құрамы қатысты.
Арулар байқауын Басқарма мүшесі-академиялық мәселелер жөніндегі проректор – Жуманкулова Еркин Нурсагатовна ашып, сайыскерлерге сәттілік тіледі. «Мен қазақтың қызымын», Шығармашылық сайыс, «Білім мен дәстүр», «Шебер қолдар», «Қыздарға әсемдік жарасады» атты 5 кезең бойынша сайысқа түскен қыздар өз-өздерін таныстырып, өнерлерін көрсетіп, салт-дәстүрге қатысты сұрақтарға жауап беріп, сонымен қатар дәмді тағам пісіру шеберлігі мен 80 жылғы сән үлгісіне деген талғамдарын көрсетті. Білімді де батыл, өнерпаз да шебер, қылықты қыздардың талантына тамсанған көремен қауым мен сайыскерлердің жанкүйерлері мәдени іс-шараны көтеріңікі көңіл күймен тамашалады.
Басқарма мүшесі-академиялық мәселелер жөніндегі проректор – Жуманкулова Еркин Нурсагатовна, Академиялық мәселелер жөніндегі департамент директоры – Бас регистрар – Балажанова Қымбат Магитаевна,Стратегиялық даму департаментінің директоры – Сугирбекова Камила Сейсенбековна, Музыка кафедрасының профессоры – Бурунчин Мурат Минайдарович, Хореграфия және арт/менеджмент кафедрасының аға оқытушысы – Сихимбаева Гульнар Ермекбаевна, Колледж директоры – Карабаева Акбопе Касымбековнадан құралған әділқазы алқасының құрамы сайыскерлерді әділ бағалап, жеңімпаздарды анықтады.
Нәтижесінде «MISS COLLEGE-2023» байқауының Бас жүлдесін «4S01140101-Бастауыш білім беру мұғалімі» мамандығының 1 курс студенті Байтүгел Айнұр Бағданқызы жеңіп алды. Ал 1 орынды «4S01140101-Бастауыш білім беру мұғалімі» мамандығының 2 курс студенті Бахтыбаева Ақерке Қосжанқызы, 2 орынды «4S01140101-Бастауыш білім беру мұғалімі» мамандығының 2 курс студенті Абдиежалелова Ақнұр Қалбергенқызы алса, 3 орын «4S01140101-Бастауыш білім беру мұғалімі» мамандығының 1 курс студенті Касымова Айдана Нурдаулетовнаға бұйырды.
Жеңімпаздарды жүлделі орындарымен шын жүректен құттықтаймыз!
Бөлісу:
