Университеттің «IHANYM» командасы «Дара» ұлттық білім бәйгесіне қатысты
-
23 мамыр, 2023
![Университеттің «IHANYM» командасы «Дара» ұлттық білім бәйгесіне қатысты]()
Ағымдағы жылдың 12-20 мамыр аралығында Астана қаласында «Қазақстан» ұлттық телеарнасы акционерлік қоғамының ұйымдастыруымен еліміздің ең үздік жоғары оқу орындарының 32 командасы арасындағы зияткерлік сайыс ұйымдастырылды.
ЖОО студенттерінен 200-ге жуық адам бақ сынасты.
Жоба «Кім жылдам?», «12», «Жұмбақ жәшік» сияқты кезеңдерден тұрды. Әр кезеңде сайысқа түсуші командалар интелектуалды сұрақтарға жауап беріп, озат білімдерін дәлелдеді.Білім бәйгесінде Қазақ ұлттық қыздар педагогикалық университетінің намысын университеттің «IHANYM» командасының студенттері: Нұрпопа Ұлдана Қыдралиқызы, Жұмаділлаева Тоғжан Әмірбекқызы, Қарақат Сералықызы, Әділжан Жұлдыз Маратқызы, Рустембекова Жания Бактиярқызы қорғады.Ой мен ойын бәйгесінде «IHANYM» тобы 20 білім ордасының мықтыларын артқа тастап, үздіктердің құрамына енді. Университет білім алушыларын ұлттық арна ұжымы үздік ЖОО ретінде жаңалықтар қызметі және «Таңшолпан» ақпараттық-сазды бағдарламасының тікелей эфиріне шақырып, көрермен көзайымына айналды.
МЕДИА
Бөлісу:
