«ЖАҢА ҚАЗАҚСТАН –ЖАҢА СЕРПІЛІС!» атты XV Республикалық пәндік олимпиадасы басталды
-
30 наурыз, 2023
![«ЖАҢА ҚАЗАҚСТАН –ЖАҢА СЕРПІЛІС!» атты XV Республикалық пәндік олимпиадасы басталды]()
Бүгін Қазақ ұлттық қыздар педагогикалық университетінде «Мәдени-тынығу жұмысы» білім беру бағдарламаласы бойынша XV Республикалық пәндік олимпиада басталды. Хореография және Арт-менеджмент» кафедрасының ұйымдастыруымен жүзеге асып отырған олимпиаданың тақырыбы–«ЖАҢА ҚАЗАҚСТАН – ЖАҢА СЕРПІЛІС!» деп аталады.
Студенттердің білімі мен кәсіби шеберлігін шыңдауда, талантты жастарды анықтауда және олардың шығармашылық әлеуетін арттыруда, жоғары оқу орындарының Мәдени-тынығу жұмысы білім беру бағдарламаласы бойынша білімі мен шеберлігін шығармашылық үрдісте дамытып, болашақ мамандардың кәсіби құзырлығын байқау мақсатында ұйымдастырылып жатқан ауқымды шараға республикамыздың Көкшетау, Қарағанды, Петропавл, Ақтөбе, Орал, Шымкент, Тараз қалаларының жоғары оқу орындарынан командалар сайысқа түспек.
Атап айтсақ.Е.А.Бөкетов атындағы Қарағанды мемлекеттік университеті. М.Х. Дулати атындағы Тараз өңірлік университеті Мұхтар Әуезов атындағы Оңтүстік Қазақстан университеті, Махамбет Өтемісов атындағы Батыс Қазақстан университеті, Абай Мырзахметов атындағы Көкшетау университеті, Манаш Қозыбаев атындағы Солтүстік Қазақстан университеті, А.Жұбанов атындағы Ақтөбе өңірлік университеті.
Олимпиаданың салтанатты ашылу жиыны университетіміздің дарынды студенттерінің концерттік бағдарламасымен ашылды. 60 жылдық тарихы бар қайта жаңғырған «Айгүл» вокалды-аспаптық ансаблі «Алматы түні», «Мен деп ойла» әнін шырқап, «Томирис » би тобы «Бозторғай» биін билеп, ашылу салтанатының көркін кіргізді.
Университетіміздің Ғылыми жұмыс және халықаралық ынтымақтастық жөніндегі проректоры Закир Даниярұлы олимпиаданың ашылуымен құттықтап, қатысушыларға сәттілік тіледі.
30-31 наурыз аралығында 2 күн бойы өтетін Республикалық олимпиадаға қатысушылар 2 кезең бойынша сайысқа түседі.
І кезеңде олимпиада тақырыбы бойынша ғылыми-шығармашылық жобаларын қорғаса, ІІ кезеңде аталмыш тақырып бойынша композициялық қойылым қояды.
Бүгін іс-шараның І кезеңі бойынша 6В11102-Мәдени-тынығу жұмысы білім беру бағдарламасы бойынша олимпиадаға қатысушылар «ЖАҢА ҚАЗАҚСТАН – ЖАҢА СЕРПІЛІС!» тақырыбында ғылыми-шығармашылық жобаларын қорғады.
Сонымен қатар, ҚР бойынша дауыс қою өнерінің шебері, профессор Қарамолдаева Галина Жұмабекқызының «Дауыс қою өнерінен» және актер, «Серпер» жастар сыйлығының лауреаты Әсет Иманғали актерлық өнерден шеберлік сыныбын өткізіп, студенттерге өздеріңінің тәжірибелері мен техникаларын үйретті.
Ертең 31.наурыз олимпиаданың ІІ кезеңі бойынша «Мәдени тынығу жұмысы БББ аясындағы өзекті мәселелер» тақырыбында дөңгелек үстел және шығармашылық сайыс өтіп, пәндік олимпиада қорытындыланбақ.
Бөлісу:
